Punto prioritario konforme akuerdo será na Acoya/Bramendi entre Gobièrnu i representashon sindikal di empleadonan públiko
Willemstad, 17 di desèmber 2019 – Ku publikashon dia 15 di novèmber último di e dekreto gubernamental, konsistiendo di medidanan general, ku ta instituí e konsulta sektoral riba asuntunan spesífiko ku ta regardá posishon hurídiko di empleadonan públiko den un sierto sektor di Gobièrnu, a duna ehekushon na un di e puntonan di prioridat ku partidonan den CGOA (Centraal Georganiseerd Overleg in Ambtenarenzaken), esta Gobièrnu i e sindikatonan ABVO, STrAF, NAPB, SAP i Sitek, a palabrá ku otro durante un enkuentro informal ku a tuma lugá dia 29 di òktober último na Acoya (Bramendi).
Durante e enkuentro ei partidonan a haña otro riba un lista di prioridat ku lo mester ser atendé den e periodo novèmber 2019 te ku aprel 2020 pa asina yega na mas efisiensia i efikasia den funshonamentu di aparato públiko i ku mester kondusí na redukshon di gastunan di personal.
Komo punto di prioridat altu a palabrá pa instituí mas pronto ku ta posibel e konsulta sektoral (sectoraal overleg). Ku publikashon di e dekreto gubernamental P.B. 2019, no. 81, esaki a bira realidat. Pa e teksto di e dekreto klek aki