Komishon di Konseho i Arbitrahe

E funshonamentu di e Komishon di Konseho i Arbitrahe ta reglá den párafo 4, artíkulonan 11 te ku 19, di e ordenansa ‘Landsverordening Georganiseerd Overleg in Ambtenarenzaken’.

Konforme artíkulo 11, insisonan 2 i 3, di e ordenansa e Komishon di Konseho i Arbitrahe ta konsistí di un presidente i su remplasante, dos miembro i nan remplasante ku ta representá Minister i dos miembro i nan remplasante ku ta representá Komishon Sentral di Sindikatonan.

Den kaso ku un di e partidonan pidi un konseho, tres miembro di e Komishon di Konseho i Arbitrahe ta sinta pa atendé ku e konseho. Den kaso di arbitrahe tur sinku miembro di e komishon ta bini huntu.

Ora ta trata un petishon pa konseho, e partido ku ta deseá e konseho mester entregá su petishon na e Komishon di Konseho i Arbitrahe.

Artíkulo 16, insiso 1, ta stipulá ku pa loke ta trata arbitrahe, e dos partidonan, esta Minister i Komishon Sentral di Sindikatonan, mester ta di akuerdo pa hiba un kaso dilanti di e Komishon. Den e kaso aki e veredikto di e Komishon di Konseho i Arbitrahe ta mara tur dos partido.

Konforme artíkulo 19 e miembronan di e Komishon di Konseho i Arbitrahe tin obligashon di sekresia pa loke nan a vosiferá den nan reunionnan. Sinembargo, nan konsehonan, konsehonan adishonal i nan veredikto si ta públiko. Klek aki pa e konseho di e Komishon di Konseho i Arbitrahe, fechá 3 di desèmber 2018.

Presidente suplente di e Komishon di Konseho i Arbitrahe ta señora dr. mr. R.C. Martina-Joe.