Minister Croes durante di su bishita a sera konosí ku e miembronan di e respektivo sindikatonan representá den e sentral di sindikatonan ku ta un partido den e plataforma “Centraal Georganiseerd Overleg in Ambtenarenzaken (CGOA) i tambe pa duna un inisio na e trabounan preparativo pa e inougurashon di e plataforma di “Sectoraal Georganiseerd Overleg in Ambtenarenzaken” pa e ministerio di enseñansa.
E sindikato ku ta representá trahadónan den enseñansa kual ta SITEK a duna un kompilashon di algun tópiko ku lo mester wòrdu trata den e “Sectoraal Georganiseerd Overleg in Ambtenarenzaken”.
Minister tambe a rekonosé ku e tópikonan trese dilanti mester di atenshon i a bisa ku e lo hasi su máksimo esfuerso pa asina e trabounan den “Sectoraal Georganiseerd Overleg in Ambtenarenzaken” kuminsá pronto.
Riba e potrèt Minister Croes huntu ku e representantenan di e sentral di sindikatonan.