“Trabounan hasí p’e kousa públiko meresé mihó”

 E kooperashon di sentralnan ku ta sali na interés di empleadonan públiko na Hulanda, SCO (Samenwerkende Centrales voor Overheidspersoneel), resientemente a hasi un yamada serio na gobièrnu Hulandes den kua e ta boga pa rebalorisá sektor públiko. No solamente pa su kompromiso pa ku e tema di e víirùs di Corona, pero mas aún pa e desaroyonan nobo ku e ta premirá.

Gobièrnu Hulandes ta invirtiendo miles di miyones di euro den e lucha kontra e krísis di Corona. Ta di premirá ku lo tin medidanan di ahuste na kaminda. Pasado a demostrá ku, a konsekuensia di un situashon di krísis, lo imponé medidanan di ousteridat spesialmente den sektor públiko i riba kondishonnan di trabou di e personal ku ta laborá den e sektor aki.

Pa SCO e enfoke aki no ta akseptabel ni tampoko por hustifiké mirando e tareanan i desafíonan ku sektor públiko ta konfrontando. Ta presisamente un sektor públiko fuerte i sosial mester di dje pa por atendé ku e desafíonan sosial i ekonómiko di siglo XXI. Esei ta rekerí un enfoke kolektivo den kua sektor públiko ta tuma e inisiativa. Gastunan salarial no mester ta e impulsor prinsipal.

Pa e posishon di SCO klek aki.